இந்திய ஆண்களே ஜாக்கிரதை - உங்களுக்கு தகனமேடை தயார்

இதுவரை சட்டத்தைப் பயன்படுத்தி வன்முறை செய்து வந்த மனைவிகள் இப்போது அடியாட்களை வைத்து ஆளையே கொலைசெய்யும் அளவிற்கு வளர்ச்சி பெற்றுவிட்டார்கள்.

இந்தியாவில் திருமணம் செய்து கொள்ளும் எண்ணத்தை இன்றே குழிதோண்டி புதைத்து விடுங்கள். இன்னும் நீங்கள் விழித்துக்கொள்ளவில்லையென்றால் உங்களுக்கு உங்கள் குடும்பத்தோடு சேர்த்து இறுதியாத்திரைக்கான சங்குதான் ஊதப்படும்.

சமீபத்தில் ஒரு மனைவி தன் கணவருக்கு எதிராக கொடுத்த வரதட்சணைப் புகாரை கணவர் உயர்நீதிமன்றத்தின் மூலம் செயலிழக்கச் செய்துவிட்டார் என்பதைத் தாங்கிகொள்ள முடியாமல் ஆத்திரம் அடைந்து அந்தக் கணவரை கொலை செய்ய கூலிப்படை ஏற்பாடு செய்து தவறுதலாக அந்தக் கூலிப்படை வேறு ஒரு ஆளை கொலை செய்துவிட்டது. கூலிப்படையின் கொடுந்தாக்குதலுக்கு ஆளான அவர் துடிதுடிக்கும் காட்சியை சுற்றி நின்று வேடிக்கைப் பார்த்தது ஒரு பெரிய மனுஷக் கூட்டம். இது தான் ஆண்களின் உயிருக்கு அரசாங்கமும் சக இந்தியர்களும் கொடுக்கும் மரியாதை.

அந்தக் கொடுமையை பார்க்கும் தைரிய மனம் படைத்தவர்கள் மட்டும் இங்கே சென்று பாருங்கள்: வீடியோக் காட்சி

இதில் இன்னொரு கொடுமை என்னவென்றால் இது நடந்ததெல்லாம் போலிஸின் குடும்பத்தில். தவறுதலாக கொலை செய்யப்பட்டதும் ஒரு போலிஸ் தான்.

தினமலரில் வந்துள்ள செய்தியைப் பாருங்கள்
ஜனவரி 09,2010

திருநெல்வேலி: நெல்லை எஸ்.ஐ., வெற்றிவேல் கொலையில் தேடப்படும் இன்னொரு எஸ்.ஐ.,யின் மனைவி, மாமியார் உள்ளிட்டவர்கள் தலைமறைவாகிவிட்டனர்.நெல்லை மாவட்டம், ஆழ்வார்குறிச்சி எஸ்.ஐ., வெற்றிவேல்(43), நேற்றுமுன்தினம் ஆம்பூர் அருகே ஒரு கும்பலால் வெட்டிக்கொலைசெய்யப்பட்டார். நெல்லை டி.ஐ.ஜி., கண்ணப்பன், எஸ்.பி., ஆஸ்ரா கார்க் தலைமையில் போலீசார் தனிப்படைகளாக விருதுநகர், கோவில்பட்டி, தூத்துக்குடி ஆகிய இடங்களில் தேடிவருகின்றனர்.

ஆழ்வார்குறிச்சியை அடுத்துள்ள கடையம் போலீஸ் ஸ்டேஷனில் எஸ்.ஐ.,யாக இருப்பவர் சிவசுப்பிரமணியன்(34). நெல்லை மேலப்பாளையத்தை சேர்ந்தவர்.
இவருக்கும், ஸ்ரீவைகுண்டத்தை அருகே வெள்ளூரை சேர்ந்த ஆறுமுகம் மகள் சிவகாமிக்கும் திருமணம் நடந்தது. சில மாதங்களுக்கு முன் சிவகாமி, சிவசுப்பிரமணியன் மீது போலீசில் வரதட்சணை புகார் கொடுத்தார். இதனால், சிவசுப்பிரமணியன் சஸ்பெண்ட் செய்யப்பட்டார். ஐகோர்ட் மூலம் உத்தரவு பெற்று மீண்டும் பணியில் சேர்ந்தார்.அவர் மீது கோபம்கொண்ட சிவகாமியின் சகோதரர்கள் இந்த கொலையை முன்னின்று செய்துள்ளனர். ஆழ்வார்குறிச்சி, கடையம் இரண்டுமே அருகருகே உள்ள ஸ்டேஷன்கள். சிவசுப்பிரமணியனும் அதே வழியில்தான் அடிக்கடி வந்துசெல்வார். தற்போது சிவசுப்பிரமணியன் விடுமுறையில் வெளியூர் சென்றுள்ளார். சம்பவத்தின் போது வெற்றிவேல், ஹெல்மெட் அணிந்திருந்ததால் சிவசுப்பிரமணியன் என நினைத்து கொலை கும்பல் எஸ்.ஐ., வெற்றிவேலை கொலை செய்தது.

கொலை குறித்து கேள்விப்பட்டதுமே சிவசுப்பிரமணியத்தின் மனைவி சிவகாமி, அவரது தாயார், வெள்ளூரிலிருந்து தலைமறைவாகிவிட்டனர். தனிப்படையினர் சிவகாமியின் தந்தை ஆறுமுகம், அண்ணன் கந்தசாமி, தம்பி முருகன் உள்ளிட்ட ஏழு பேரை தேடிவருகின்றனர். கொலை நடந்த இடத்தில் கந்தசாமியின் மோட்டார் சைக்கிள் மீட்கப்பட்டதால் போலீசார் இதை உறுதிப்படுத்தினர். நேற்று மாலை வரை எஸ்.ஐ., கொலை தொடர்பாக யாரும் கைது செய்யப்படவில்லை.

=========================

ஆகவே ஆண்களே இந்தியாவில் திருமணம் செய்வதை தவிர்த்து விடுங்கள். உங்கள் உயிருக்கு உத்திரவாதம் இல்லை. ஒன்று சட்ட தீவிரவாதத்தால் தாக்கப்படுவீர்கள் அல்லது மனைவியின் கூலிப்படையால் தாக்கப்படுவீர்கள்.

வழக்கம் போல் ஒரு கூட்டம் ஐயோ பாவம் பொம்பளை தெரியாம செஞ்சிட்டா என்று சாதகமாக பேசி கொலைகாரிகளுக்கும் சட்ட தீவிரவாதிகளுக்கும் ஆதரவு தந்து கொண்டிருக்கிறது. இது வரை அரசாங்கம் கூட இது போன்ற கொலைகாரிகளுக்குத்தான் சாதகமாக செயல்பட்டுக்கொண்டிருக்கிறது. அரசாங்கம் தவறான பெண்களை தவறான சட்டங்கள் மூலம் ஊக்கப்படுத்தியதின் ஒரு வெளிப்பாடு தான் மேலே நீங்கள் படித்த கொலை செய்தி.

வரதட்சணை கொடுமை என்ற பெயரில் பெண்கள் எது வேண்டுமானாலும் செய்யலாம் என்ற மனநிலைக்கு மாறும் அளவிற்கு தவறான சட்டங்களை கொடுத்து அரசாங்கம் அவர்களை வளர்ச்சியடைய வைத்திருக்கிறது. இந்தியாவில் திருமணம் என்ற தகனமேடையில் காலடி வைத்தவுடனே உங்களின் மானத்திற்கும் உயிருக்கும் எந்தவித பாதுகாப்பும் இல்லை. இது எச்சரிக்கை. பல வல்லரசு நாடுகளுக்கு இது எப்போதோ புரிந்து விட்டது. உங்களுக்கு எப்போது புரியப்போகிறதோ!